Pati Pitit Desalin deside voye reprezantan li nan konsèy prezidansyèl la jounen jodi mèkredi 20 mas 2024 la, Emmanuel Vertilaire se non reprezantan sila a. N ap raple n li se yon ansyen jij enstriksyon Okap, selon sa a Radyo ak tele Métronome poste sou platfòm X [Twitter].
Emmanuel Vertilaire ta pral remèt demisyon li bay Konsèy Siperyè Pouvwa Jidisyè (CSPJ) nan mwa Dawout 2022 a, akoz mank respè pou prensip endepandans, paspouki epi ilegalite nan konsèy la. Anplis, li se aktyèl konseye nan Bawo Okap la. Jounen jodi a se se li yo chwazi pou reprezante pati Pitit Desalin nan konsèy prezidansyèl la.
Sa a enpòtan pou n soulinye sekretè Jeneral pati politik sa a, Moïse Jean Charles ak ansyen senatè responsab Revèy Nasyonal Guy Philippe, t ap milite epi denonse chwa manm konsèy prezidansyèl kominote Karayib la ak patnè li yo. Epi menm pwomèt pou li echwe konsèy sila.
Pandanstan nan moman n ap ekri la pati politik Pitit Desalin deside chanje lide pou yo voye reprezantan yo nan konsèy la, sou pretèks se ta reprezantan Peyi Larisi nan Òganizasyon Nasyonzini ki ta mande l fè pati konsèy sa a.
Atik sa se pwopriyete prive ©️ Gwoup Medya MAGHAITI 2024
