Plizyè moun nan popilasyon sivil la rive touye omwen 7 prezime bandi nan komin Petyonvil maten an nan dat madi 2 me 2023 a. Yo kontinye ap chèche lòt ladan yo toujou kòmkwa yo ta vin kache nan plizyè lokalite nan komin sila, selon sa plizyè medya fè konnen.
Popilasyon an pa vle kanpe sou batay kont bandi an, kote yo itilize tout kalte materyèl pou mache pran yo, sitou kèk ladan yo k ap sove kite espas yo te ye. Yon eslogan « Bwa kale » k ap fè chimen li, sa ki pral lakoz gen anviwon 7 prezime bandi ki bwè dlo bouch yo nan anviwon 11è maten an nan komin Petyonvil.
Kòlè ak fristrasyon epi endinyasyon kont tout krim gwoup gang y ap fè nan lokalite yo, fè popilasyon an ak Lapolis mete tèt ansanm pou mache pran moun yo estime ki fè pati de yon gang.
Sou lòtbò a popilasyon an mande pou tout moun desann vit machin yo nan objektif pou yo ka idantifye kiyès ki anndan yo, pandan y ap kontinye chache prezime bandi k ap simen latwoublay.
Atik sa se pwopriyete prive ©️ Gwoup Medya MAGHAITI 2023
