Nan kad ankèt sou asasina ansyen prezidan Jovenel Moïse nan dat 7 jiyè 2021, Jij enstriksyon Walter Wesser Voltaire te deside tande ansyen opozan pouvwa a, Nenel Cassy, jounen jodi 1e jen 2023, nan biwo li wout Frè.
Ansyen senatè ak manm pati Sektè Demokratik ak Popilè a «SDP», Nenel Cassy, te envite pou l vin reponn kèk kesyon jij Enstriksyon Walter Wesser Voltaire pou fè avanse lajistis nan kad lanmò 58èm prezidan peyi Dayiti.
Pandanstan, ansyen senatè Nenel Cassy se youn pami moun ki gen sanksyon peyi kanada sou do li, kòmkwa li ta ap sipòte bandi k ap simen laperèz ak latwoublay nan peyi Dayiti.
N ap raple jij enstriksyon Walter Wesser Voltaire te tande ayè mèkredi 31 me a, ansyen minis Travay ak Transpò epi Kominikasyon, Nader Joiséus, nan kad dosye asasina ansyen prezidan Jovenel Moïse la.
Atik sa se pwopriyete prive ©️ Gwoup Medya MAGHAITI 2023
