Kominote ayisyen Etazini yo espesyalman Sid-Florid te rankontre avèk responsab sekirite enteryè peyi sa ayè vandredi 3 me 2024 la. Nan sans sa, yo mande soutyen yo nan konbat trafik zam, trafik ògan moun, timoun epi lòt aktivite malsen k ap fèt nan peyi D Ayiti, selon sa jounal Miami Herald rapòte.
Ajan feredal yo di y ap kontinye mennen ankèt sou kantite zam ilegal ak dwòg epi kontrebann k ap fèt ant Ayiti ak Etazini. Anplis, kominote ayisyen nan zòn Florid la te pral mande yo èd sou vyolans gang ak zam ap fè nan peyi Karayib la.
Paralèman, ajan « Homeland Security Investigations » espesyalize nan kesyon ankèt kriminèl nan depatman sekirite enteryè Ameriken, te gen divès preyokipasyon. E te mande konpatriyòt ayisyen yo kòman yo kapab ede yo, se yon rankont yo te diskite tou sou kriz k ap ravaje Ayiti a
« Nou pa sispann goumen pou sòti n nan pwoblèm nou an. Nou dwe kontinye rasanble antanke kominote », deklare Anthony Salisbury, ajan espesyal ki chaje HSI Miami.
N ap raple Todd D. Robinson, sekretè Deta adjwen ameriken ki gen responsab biwo entènasyonal Estipefyan ak aplikasyon lalwa entènasyonal te deklare ayè 3 me a, premye deplwaman misyon miltinasyonal an Ayiti a ap fèt nan mwa me 2024 la. sa ap gen pou fèt nan menm moman prezidan Kenyan an, William Ruto ap gen pou l rantre Etazini.
Crédit photo: Haiti Liberte
Atik sa se pwopriyete prive © Gwoup Medya MAGHAITI 2024
