Plizyè kout bal pa sispann tire maten an nan komin Kafou jounen jodi vandredi 2 jen 2023 a, presizeman nan Dikini ak Bizoton, selon deklarasyon ansyen majistra Yvon Jérôme sou radyo Magik 9.
«Bandi yo te nan lari a apati Kominikasyon ki fèt la yo retire kò yo. Li enpòtan pou Lapolis ranfòse tèt li nan komin nan pou popilasyon an reprann konfyans», toujou selon sa majistra Yvon Jérôme fè konnen sou antèn radyo Magik 9.
Depi madi 30 me ki sot pase a, Lapolis nan komin Kafou pa sispann fè fas avèk bandi nan «Ti Bwa» ki sou direksyon chèf Kris la, yo pa sispann simen panik ak laperèz nan Kafou. Plizyè moun oblije kite lakay yo ak fèmen biznis yo epi lekòl yo.
N ap raple ayè jedi 1e jen an, gen 2 prezime bandi ki te tonbe anba bal Lapolis nan kad afwontman nan komin sila. Sa ki lakoz plizyè kout bal ap tire san rete maten an nan Kafou.
Atik sa se pwopriyete prive ©️ Gwoup Medya MAGHAITI 2023
