Alòske sitiyasyon sekiritè peyi a ap degrade pi plis kote endividi ak Zam pa sispann atake rezidans sivil yo, jounalis Lucien Jura se nouvo viktim kidnapin k ap fèt yo nan peyi a. Selon enfòmasyon fanmi an, viktim nan nan men kidnapè yo depi ayè lendi 18 mas 2024 la, aprè yo te fin antre lakay li nan zòn Vivy Mitchel.
“Efektivman yo kidnape li ayè lendi 18 mas la, lakay li. Pou kounya nou poko an mezi pou n bay lòt enfòmasyon men kontak yo ap fèt“, daprè sa Erick Jura ki se frè jounalis la fè nou konnen san bay detay sou diskisyon fanmi an ta deja genyen ak kidnapè yo pou tout posib negosiyasyon pou libète kominikatè a.
N ap raple, pandan dènye jou yo endividi ak zam moun pa t rive idantifye lanse divès atak nan plizyè zòn tankou Tomasen, Laboul ak
Petyonvil, kote pou sèlman lannuit 17 mas 2024 la, gen anviwon 15 moun popilasyon an te leve jwenn kò yo t ap benyen nan san yo.
Atik sa se pwopriyete prive ©️ Gwoup Medya MAGHAITI 2024
