5 moun rive pèdi lavi yo jodi mèkredi 16 dawout la, nan zòn Mayi gate. Daprè temwanyaj kèk moun ki rete tou pre a, viktim yo pa t rete nan zòn nan, men te sanble ap vinn pran refij yo nan lokalite a.
Enfòmasyon ki disponib yo fè kwè 5 jèn gason sa yo t ap kite zòn kote yo te rete deja pou al rete nan yon lòt zòn. Konsa, plizyè temwen fè kwè ajan Direksyon Santral Polis Jidisyè ki te sou plas yo nan fouy yo fè nan machin nan yo ta rive jwenn plizyè katouch.
Pou kounya, enstans konsène yo poko pataje okenn enfòmasyon sou dram sa ki pase a. Nan sa ki gade idantite jèn gason sa yo ki mouri jodi mèkredi a, okenn detay poko rive bay sou sa.
Atik sa se pwopriyete prive ©️ Gwoup Medya MAGHAITI 2023
