Plizyè moun leve kanpe epi mete barikad ak dife nan plizyè rakwen nan vil Okap jounen jodi lendi 19 jen 2023 a, anplis anplwaye nan Ladwann (APN) deside fèmen pòt enstitisyon sa jiskake yo libere Direktè Jeneral la, Pierre Richard Joseph. Nèg avèk zam te kidnape l nan zòn Tòsèl nan dat 17 jen ki sot pase la.
Enfòmasyon yo fè kwè nan moman yo t ap kidnape Direktè Jeneral APN la, Pierre Richard Joseph, chofè li a te pral resevwa anpil katouch nan men kidnapè yo epi mouri. Bò kote pa l, lapolis anonse l ap kontinye mennen ankèt pou libere otaj la.
Sou lòtbò a, kidnapè yo egzije yon montan 1 milyon dola ameriken pou libere Pierre Richard Joseph. Pou kounya fanmi ak otorite y ap kontinye negosye pou wè kòman yo ka libere viktim lan anba men kidnapè yo.
Atik sa se pwopriyete prive ©️ Gwoup Medya MAGHAITI 2023
