Majistra Ikenson Edumé rejwenn libète li ayè samdi 8 avril la aprè nèg ak zam te fin kidnape li pandan anviwon 20 jou. Daprè sa plizyè medya rapòte, pwòch fanmi an ta konfime liberasyon an aprè yo peye lajan kidnapè yo te mande a.
Ansyen prezidan Rezo Nasyonal Majistra Ayisyen an (RENAMAH) ak fanmi li epi pwòch li pa te gen okenn nouvèl sou li pandan plizyè jou depi lè yo te fin kidnape li. Ayè samdi a li libere aprè pwòch li yo te peye lajan ki te egzije nan negosyasyon yo, toujou selon plizyè medya.
Majistra Ikenson Edumé te pral kidnape nan komin Petyonvil nan dat 20 mas dènyè, ansanm avèk tout manman pitit li ki te nan machin nan ak li nan moman bandi ak zam t ap komèt zak sa.
Kontrèman ak lòt viktim lan ki te jwenn liberasyon kèk jou aprè, majistra Ikenson Edumé pase anviwon 20 jou nan men ravisè yo, kote finalman li te pral libere ayè samdi an aprè yo te fin resevwa lajan yo te egzije kòm ranson an.
Atik sa se pwopriyete prive ©️ Gwoup Medya MAGHAITI 2023
