Nan yon nòt Direksyon Imigrasyon ak Emigrasyon (DIE) mete deyò jounen madi 28 fevriye 2023 a, li fè konnen Leta Ayisyen kolekte plis pase 993. 448.000 milyon goud kòm frè paspò nan sèlman yon mwa.
Nan dat 1e pou rive 26 fevriye 2023 a, Direksyon Imigrasyon ak Emigrasyon resevwa anviwon 124.181 demann paspò, men 86.959 te rive enprime epi 26873 te finalman delivre avèk sila yo. Majorite paspò ki pa enprime, se paske yo poko kontwole nan sistèm lan.
N ap raple depi aprè prezidan Ameriken Joe Biden te fin anonse nan dat 5 janvye 2023 a, gen 4 peyi ki ka antre Etazini nan yon pwogram libète pwovizwa CHNV 134, demann paspò yo te ogmante Ayiti.
Direksyon Imigrasyon ak Emigrasyon te oblije louvri kèk lòt sant pou paspò nan peyi an, tankou Jimnazyòm Vensan nan Pòtoprens, Pak Endistriyèl nan SONAPI ki sou wout Aryopò epi nan Pak Senterèz nan Komin Petyonvil.
Atik sa se pwopriyete prive ©️ Gwoup Medya MAGHAITI 2023
Discussion about this post