Nan yon operasyon lapolis nan Latibonit mennen ayè mèkredi 22 mas 2023 a nan zòn Pon sonde, yo anonse yo arete Esline Destin kòm moun ki ta youn nan fanm chèf gang Savien an.
Selon sa lapolis fè konnen jèn fi sa yo rive arete ayè mèkredi a, ta fè pati moun ki nan konivans ak chèf gang Luckson, yo fè konprann ta gen relasyon fanm ak gason ant Esline ak chèf gang “Gran grif” la.
Nan yon lòt bò, jèn fi a te fè konnen se nan Preval li ta prale lè lapolis te pran l lan, alòske pandan menm seyans kote yo t ap poze l kesyon an li te vinn resi avwe se kay prezime bandi yo rele Luckson Elan an li ta prale.
“Mwen rele Esline Destin, mwen rete Lyankou nan zòn Payen, pandan m ta pral Preval nou pran m”, Se sa l te vle fè kwè nan yon premye tan avan l te vinn resi deklare “Mwen ta pral Savyen kot Lukcson”.
Pou kounya, jèn fi sa ki gen ti non “Sèsou Destin” sou paj fesbouk li nan men lapolis kote li pral gen pou l reponn kesyon lajistis rezève pou li.
Atik sa se pwopriyete prive ©️ Gwoup Medya MAGHAITI 2023
