Jean-Pierre Anthony alyas Palaki jwenn arestasyon l ayè jedi 4 avril 2024 la nan kad yon operasyon lapolis t ap mennen nan depatman Sidès la, presizeman nan lokalite Mòn Oje, selon piblikasyon Lapolis sou paj li.
Jean-Pierre Anthony alyas Palaki se prezime chèf gang nan «Team H», ki vin aprè Herby Guerrier k ap opere nan zòn Mòn Oje. Lapolis akize l kòm asasen, moun k ap fè kadejak sou pitit moun, asasen k ap touye moun e ki fè pati yon asosyasyon malfektè nan komin Jakmèl.
Pou kounye a, Jean-Pierre Anthony alyas Palaki nan men lapolis depi ayè pou tout suivi lajistis aprè tout akizasyon Lapolis repwoche li nan depatman Sidès la.
N ap raple nou Lapolis te fè yon lòt arestasyon ayè jedi 4 avril 2024 la kote li te rive arete Gladymir Joseph alyas Dèdè. Chèf gang sa a t ap eseye kite peyi a nan depatman Nò peyi a, presizeman nan Ayewopò Okap la, pandan li te gen pou vwayaje nan kad pwogram imanitè Biden lan.
© Tous droits réservés – Groupe Média MAGHAITI 2024
