Ayè jedi 22 jen an, 2 anplwaye nan yon sikisal Unibank tonbe anba kòd Lapolis akoz yo ta akize kòm moun ki ta ap pran lajan sou kanè kliyan, selon sa jounal Vant Bèf info rapòte sou paj li.
«Chèf pakè nan jiridiriksyon Okay la fè konnen yo arete 2 anplwaye sa yo ki t ap travay nan yon sikisal 4 chemen, kòm moun ki ta ap vòlè lajan kliyan epi nan yon asosyasyon malfektè tou», deklarasyon komisè gouvènman nan Okay la, Ronald Richemond.
2 prezime koupab sa yo se Thimogène Sidieuvé ak Dieunel Julien. Nan moman n ap ekri a, 2 anplwaye sila yo retwouve yo nan gadavi annatandan lajistis fè sa ki nesesè. Anplis, komisè gouvènman nan Okay la te fini pou l di :
«L ap kontinye batay pou li penmèt jiridiriksyon l ap dirije a jwenn lapè ak moso sekirite jan l kapab.»
Atik sa se pwopriyete prive ©️ Gwoup Medya MAGHAITI 2023
