Gouvènman defakto a pwolonje manda manm konsèy Siperyè Dèkont ak Kontansye Administratif «CSCCA» ki t ap bout ayè dimanch 7 avril 2024. Pwolonjman sa a ap dire yon mwa selon Radyo Tele Karayib.
Nan rankont minis defakto yo te òganize nan dat 5 avril ki sot pase a, yo te deside pwolonje manda konsèy kou Siperyè Dèkont pou yon mwa. L ap gen pou bout nan dat 7 me 2024 la, nan lide pou anpeche gen vid enstitisyonèl nan nivo administrasyon piblik la.
Pandanstan, manda manm konseye Siperyè Dèkont ak Kontansye Administratif (CSCCA) yo pral ka renouvle aprè 7 me k ap vini an, si nouvo gouvènman ki pral gen posibilite pran rèy tèt peyi a vle.
N ap raple kou Siperyè Dèkont gen pou misyon kontwole resèt ak depans piblik k ap fèt nan peyi a, poutan absans chanm Sena a lakoz gwo enpak sou manm konsèy Kou Siperyè Dèkont yo puiske se yo ki t ap gen pou misyon vote ak mete yo nan tèt enstitisyon sa a legalman.
© Tous droits réservés – Groupe Média MAGHAITI 2024
