Depi aprè nòt sekretè jeneral prezidans lan te mete deyò 10 me ki sot pase a, kote li te mande pou tout pati politik ki te siyen Akò 3 avril 2024 la pou yo pote kandidati yo pou premye minis lan, gen plis pase 80 kandida ki nan kous la jounen jodi jedi 16 me 2024 la.
Plizyè pati politik, ansyen minis ak direktè epi ansyen senatè poze kandidati yo pou pòs premye minis pou akonpanye Konsèy Prezidansyèl Tranzisyon an, pami kandida sa yo nou jwenn : Garry Conille, Anacacis Jean Hector, Lucmane Delile, Inel Torchon, Fritz Bélizaire, Gérard Germain, Michel Brunache.
Kandida sa yo ekri prezidan Konsèy Prezidansyèl Tranzisyon an, Edgard Leblanc fils, pou fè konnen yo vle okipe pòs sa a parapò ak konpetans yo epi eksperyans yo nan tèt leta pandan plizyè ane. N ap soulinye, anpil ladan yo pa gen dechaj pou ki ta penmèt yo okipe yon fonksyon kon sa a.
Pou fini, n ap fè nou konnen pitit Desalin voye Fritz Bélizaire antanke reprezantan pou pòs sa a. N ap raple, yo te konteste l aprè dezinyasyon l pou blòk majoritè a nan dat 30 avril ki sot pase a pou premye minis.
Atik sa se pwopriyete prive © Gwoup Medya MAGHAITI 2024
