Sitiyasyon ensekirite k ap taye banda nan peyi a nan kòmansman lane a, presizeman mwa janvye pou rive mwa mas 2024 la, gen 11 jounalis ki viktim. Gen 8 ladan yo se pandan manifestasyon kont gouvènman Ariel Henry a selon dènyè rapò Rezo Nasyonal Defans ak Dwa Moun (RNDDH) pibliye nan dat 10 Avril 2024 la.
selon Òganizasyon dwa moun lan, Rezo Nasyonal Defans ak Dwa Moun (Rnddh), ansanm jounalis ki viktim nan 3 dènye mwa sa yo se : Lemy Brutus, Jocelyn Lindor, Philippe Narcisse, Love-Marckendy Paul, Jacky Saint -Fleur, Wilborde Ymozan, Stanley Belfort, Jean Marc Jean.
Pou fini, lòt 3 jounalis yo rive viktim nan kèk sikonstans nou pa ta panse. Yo te kidnape Lucien Jura, jounalis Alain Charles, li menm, te pran bal nan moman bandi yo t ap atake komisarya Gwo mòn lan epi jounalis Nerval Pierre Viliat te pran yon bal mawon nan yon sikonstans RNDDH pa pote plis presizyon.
Atik sa se pwopriyete prive ©️ Gwoup Medya MAGHAITI 2023
