Federasyon Entènasyonal Foutbòl Amatè (FIFA) apwouve demann akreditasyon jounalis Espòtif Marie Louis Sofonie te fè a. Kounya li gen otorizasyon pou l ale suiv koup Dimonn Foutbòl ki ap fèt nan Peyi Qatar sòti 20 Novanm 2022 pou rive 18 Desanm, daprè jounalis Luckson Saint-vil.
Sofonie Louis se yon jounalis espòtif, li se dirijan foutbòl Andikape an Ayiti. Li se youn nan dirijan ki te akonpanye seleksyon Ayisyen andikape a nan koup dimonn ki sot fèt nan Peyi Latiki a. Li te travay nan plizyè medya, tankou vision 2000, RTNH, Storm TV.
Jounalis espòtif Marie Sofonie Louis se enjenyè nan enfòmatik ak travayè sosyal. Li se yon militan pou zafè dwa moun.
N ap raple aprè Lutherson Léon ak Dodley Vincent, Marie Sofonie Louis se twazyèm jounalis espòtif Ayisyen ki otorize pou suiv vendezyèm edisyon Koup Dimonn k ap fèt nan Peyi Qatar.
Atik sa se pwopriyete prive ©️ Gwoup Medya MAGHAITI 2022
Discussion about this post