Moun yo pa idantifye rive piye jounen jodi samdi 16 mas 2024 la, Anbasad Gwatemala a an Ayiti. Se ministè zafè etranje yo a ki rapòte sa pandan moman kriz politik ak ensekirite k ap ravaje zile a.
“Pa gen okenn moun ki blese pami pèsonèl k ap travay yo, anplis materyèl nou te achte pandan 5 dènyè ane yo te gentan transfere. Pou kounya okenn defisi poko revele“, se sa responsab ministè a fè konnen.
Pou kounya, se anbasad nan Gwatemala ki nan Repiblik Dominikèn nan ki pral jere chaj yo, li pral la pou li fè fas avèk sitiyasyon ijans parapò avèk tout posibilite ki pral gen pou fèt kòm aktivite. Malgre tout bagay sa yo, responsab yo fè kwè pa gen anbasadè ni pèsonèl k ap travay pou yo ki mande pou yo kite peyi a.
N ap raple plizyè peyi tankou Almay, Etazini, Kanada ak lòt ankò gentan fè divès pèsonèl travay yo kite peyi Dayiti, men se toujou parapò avèk nivo ensekirite a k ap debòde depi plis pase 2 semèn nan peyi a. Anplis kounya la, Etazini mete avyon disponib pou sitwayen ameriken ki deside kite sòl ayisyen an.
Atik sa se pwopriyete prive ©️ Gwoup Medya MAGHAITI 2024
