Endividi ak zam yo pa idantifye mete dife nan Soukomisarya « Fort-Jacques » ayè mèkredi 2 mas 2023 a. Gwoup nèg ak zam kontinye ap simen laperèz nan komin Petyonvil ak komin Kenskòf epi « Fort-jacques », selon plizyè videyo ak imaj k ap sikile sou rezo sosyal yo.
Plizyè lòt enfòmasyon ta vle fè konnen se ta gwoup gang «Kraze baryè» ki gen nan tèt li chèf Vitelhomme Innocent, ki te rive atake Soukomisarya nan komin sa, pandan okenn nan endividi sa yo pa te rive arete aprè zak malfra sa.
Pandanstan, n ap raple gwoup gang «Kraze baryè» ki gen chèf li Vitelhomme Innocent, Lapolis mete avi rechèch dèyè li, kote li mete 10 milyon goud sou tèt li tout fwa yon endividi ta fè mete men sou li.
Plizyè imaj montre ak klè kòman Soukomisarya nan Fort-jacques la boule, malgre poko gen okenn enfòmasyon nan lapolis ki revele si ta gen materyèl ki boule aprè zak sa.
Atik sa se pwopriyete prive ©️ Gwoup Medya MAGHAITI 2023
