Peyi Etazini ak Angletè jwenn biyè kalifikasyon yo tou pami lòt ekip ki gentan kalifye pou 1/8èm final, yon match ki te jwe nan menm lè pou anpeche konnen viktwa lòt ekip yo jounen jodi madi 29 novanm 2022 a.
Peyi Angletè bat peyi Gal sou yon eskò (3-0) aprè yon veritab dominasyon. Premye mitan te fini (0-0) nan chak kan yo. Nan kèk minit aprè dezyèm mitan an te kòmanse, Marcus Rashford ta pral louvri eskò pou peyi angletè (1-0,50′), sak te penmèt ekip la jwenn avantaj la sou peyi Gal.
Phil Foden ta pral double eskò a aprè yon pas kapitenn Harry Kane (2-0,51′). Kèk minit aprè Marcus Rashford ta pral ogamnte sou kontè gòl li nan konpetisyon an epi penmèt ekip li mennen (3-0) kont seleksyon galwa a. Kidonk, Marcus vin gen 3 gòl epi li nan lis meyè bitè nan konpetisyon an.
Sou lòtbò a seleksyon Etazini an te rive bat Iran, gras avèk yon grenn gòl Christian Pulisić (1-0,36′), sak penmèt li fini an dezyèm plas ak 5 pwen nan gwoup B a.
Peyi Angletè ak Etazini kalifye pou 1/8è final, kidonk Lawoland pral gen pou jwe avèk seleksyon Etazini kòm lidè nan gwoup A epi seleksyon Senegal la pral gen pou li Afwonte Angletè nan pwochen match la. Iran ak seleksyon Galwa ogmante nan lis peyi ki kite koupdimonn 2022 a nan faz poul.
Photo:Eurosport
Atik sa se pwopriyete prive ©️ Gwoup Medya MAGHAITI 2022
