Plizyè endividi ak gwo zam te kidnape jounalis Edner Décime depi dimanch 17 Jiyè 2022, li te rive jwenn liberasyon li yè Vandredi 5 out 2022 a, selon enfòmasyon medya Alterpresse.
Medya kote l ap travay la pa te chwazi bay plis detay, sèlman li konfime liberasyon anplwaye li ki te pase 20 jou anba men moun ki te kidnape l yo. Se yon veritab soulajman pou fanmi viktim lan epi zanmi li yo.
Edner Décime Jounalis AlterPress, ansyen etidyan Fakilte Syans moun (FASCH) te jwenn anpil solidarite atravè rezo sosyal yo, aprè bandi te fin kidnape li nan zòn Dèlma epi bandi yo te egzije yon kantite kòb pou libere li.
Pyès moun pa konn egzakteman pou konbyen kòb yo lage li ni si se lajan, sèlmam jounalis Edner Décime libere aprè yon bon ti bout tan depi li te kidnape.
Atik sa se pwopriyete prive ©️ Gwoup Medya MAGHAITI 2022
