Aprè l finn tande l nan biwo l, jij Walther Wesser Voltaire fè arete jodi lendi 20 novanm 2023 a, ajan egzekitif enterimè vil Jakmèl la, Macky Kessa, nan kad dosye Jovenel Moïse la. Poutan, malgre òdonans majistra a, viktim nan ak tout avoka l pa t vle bay pyès detay sou sa ki pouse jij la pran desizyon sila.
Alòske jij Voltaire te envite ajan enterimè a, Macky Kessa, pou te vinn reponn kesyon nan kabinè l jodi a, menm jan li te fè sa pou divès lòt pèsonalite, majistra a te tou pwofite òdone pou lapolis arete majistra vil Jakmèl la tousuit li te finn tande l jodi a.
“Tout odisyon tout jij gen sekrè”, se sa konsène a deklare nan mikwo laprès san bay plis detay sou ki sa jij la ta repwoche l ki fè yo arete l jounen jodi a.
N ap raple nan menm kad dosye sa jij la te konvoke tou ansyen minis jistis la, Rockfeller Vincent, Sandra Metellus ak plizyè lòt pèsonalite. Ansyen minis Jistis la ak madanm Metellus ap gen pou al reponn kesyon youn aprè lòt nan dat 22 ak 23 novanm k ap vini la.
Atik sa se pwopriyete prive ©️ Gwoup Medya MAGHAITI 2023
