Depite ameriken yo adopte ayè samdi 20 avril 2024 la, yon seri pwojè lwa sou koze èd pou kèk peyi etranje. Yo mete 60.8 000 000 000 dola pou Ikrèn, 26.4 000 000 000 milya dola epi 8 000 000 000 Dola pou Taywann ak kèk lòt peyi ankò, selon sa jounal ABC NEWS fè nou konnen.
Yon lòt kote, palman a vote yon lòt lwa pami 4 lwa yo pou yo fòse responsab TikTok yo vann Etazini platfòm nan osnon y ap entèdi l fonksyone nan peyi yo a. Yon lwa ki ta pral fè 360 vwa ki favorab epi 58 vwa ki kont. Yo menm enpoze gwo sanksyon kont Iran, Lachin epi Larisi, toujou selon menm jounal entènasyonal sa a.
«Pwojè lwa yo pral gen pou li pase devan sena a ak sèl pakè a», selon deklarasyon chèf majorite nan sena ki se Churck Schumer, puiske palman pral gen pou li egzamine lwa sa yo anvan li voye yo.
Pandan tan sa a, pwojè lwa (GOP) sou pwoteksyon fwontyè yo ta pral echwe akoz 215 Moun vote kont, 199 vwa an favè sa a. Pwojè sa a te fè pati 4 lwa ki te nan seyans deba yo ayè samdi a.
Prezidan Etazini an, Joe Biden, atravè yon kominike pa t pran tan pou l te remèsye manm chanm depite yo ki te dakò vote pou pwogram èd pou peyi etranje yo, presizeman Ikrèn ak izrayèl.
«Desizyon sa a rive nan moman ijans yo parapò ak atak Iran fè sou Izrayèl sanzatann ak Larisi ki pa sispann bonbade Ikrèn», se sa a prezidan Peyi Etazini an, Joe Biden, fè konprann.
Pou fini, prezidan ameriken a pale tou sou èd imanitè pou Gaza, Soudan epi Ayiti. Pou li, peyi sa yo gen bezwen èd sa yo.
«Mwen mande Sena a pou li voye rapid vit lwa sa yo bay manm biwo m nan lide pou m kapab siyen li epi pou m kapab voye zam ak ekipman bay Ikrèn pou li reponn nan batay l ap mennen kont Larisi a.»
Atik sa se pwopriyete prive ©️ Gwoup Medya MAGHAITI 2024
