Nan gwo batay ki genyen ant gwoup gang G-9 fas ak G-pèp depi vandredi 8 jiyè 2022, nan komin Site Solèy, bandi pa sispann touye plizyè moun ak brile yo selon popilasyon nan zonn lan.
Aprè deklarasyon majistra pwovizwa, Jean Hislain Frédérick, te fè sou radyo Mega kote li te di ” Gen anviwon 50 moun ki masakre pandan gè sa, epi gen yon bis anbilans ki boule akoz li t ap vin chèche mò yo”, jiskaprezan popilasyon nan Laplenn Kil Desak, sitou Site Solèy ak Pènye, elatriye kontinye pa sispann mande sekou ak Lapolis pou vin ede yo sòti anba gwo kout bal bandi nan zonn lan.
Anplis, selon deklarasyon plizyè moun nan zonn Boston ki gen nan tèt li chèf Matyas ak Alye li Isca nan Belekou, fè konnen se ta moun sa yo ki koupe dlo ak kouran pou moun anba pa jwenn alòske gwoup Brooklyn ki gen nan tèt li Ti Gabriel monte yon gwo miray nan mitan kanal yo pou fè fatra rete anwo, selon sa jounalis Luckson Saint-vil revele.
Se gwo laperèz ak menas sou lavi moun yo, koz gen sila ki rete nan yon zonn, men ki paka al nan yon lòt zonn.
Crédit photo: Haiti Info Pro
Atik sa se pwopriyete prive ©️ Gwoup Medya MAGHAITI 2022
World
Discussion about this post