Lendi 4 Jiyè a, 5 pasajè te rive blese ak bal nan yon bis ki te gen pou direksyon Pòtoprens ak Kafou, pandan yo t ap pase Matisan. Aksyon sa te pase aprè bandi nan “Ti Bwa” t ap itilize bis sa kòm boukliye pou yo t al eseye pran yon sòlda yo ki te tonbe nan Matisan 4. Selon sa jounalis Lukson Saint-Vil rapòte sou paj li.
Bandi nan Vilaj Dedye yo te remake bis sa t ap vini, yo te tire sou li san rete. Sa ki te lakoz gwo dram sa pase nan zonn Matisan an.
Toujou menm yè lendi an, bandi yo te eseye pran palman an kote Sekirite palman an te rispote pou evite sa, pandan yo gen plizyè jou depi yo tabli katye Jeneral yo nan Tribinal Premye Enstans/Pòtoprens.
Konfwontasyon ant bandi nan Ti Bwa ak Gran Ravin epi Vilaj Dedye pa janm sispann, malgre federasyon G9 te fèt nan lide pou retabli lapè nan mitan gwoup gang sa yo.
Anplis, gwoup gang Vilaj Dedye ak Gran Ravin pa sispann fè resèt ak bwase machin k ap pase nan rantre Sid la.
Atik sa se pwopriyete prive ©️ Gwoup Medya MAGHAITI 2022