6,2 milyon dola ameriken, se kantite lajan sa Martine Moïse, vèv defen prezidan Jovenel Moïse ak Joverlein Moïse, premye pitit gason ansyen prezidan an ap gen pou resevwa kòm yon konpansasyon.
Konpansyon sa ap bay ak 2 moun sa yo swit ak yon lòd restitisyon ki sòti nan men jij federal Miami Jose Martinez. Daprè jounal ameriken an Miami Herald, 2 moun sa yo pral benefisye konpansasyon sila akoz 6 moun ki kondane nan kad dosye asasina Jovenel Moïse lan pral peye. Nan sans sa, se ap yon konpansayson pèt daprè sa jounal ameriken an soulinye.
Yon lot bò, daprè dokiman tribinal la, Martine Moïse te deja resevwa 5 milyon 305 mil 387 dola nan men Etazini, pou peye lopital, vwayaj li ansanm ak sekirite l. Poutan Joverlein Moïse li menm k ap viv Kebèk nan peyi Kanada, te resevwa 865 mil 396 dola.
N ap raple pou ou, Joverlein Moïse ki resevwa konpansasyon sa pa t lakay papa l nan moman zak asasinay la, sa ki daprè jounal la parèt yon ti jan flou si nou kwè òdonans jij federal, Jose Martinez.
Michelove G.Bazelais
Atik sa se pwopriyete prive ©️ Gwoup Medya MAGHAITI 2024
