Sitiyasyon ensekirite an Ayiti jounen jodi a lage mwatye moun oubyen 5 milyon moun nan ensekirite alimantè egzajere, selon rapò Klarifikasyon Entegre Sekirite Alimantè (CISA), ayè vandredi 22 mas 2024 la.
«Ayisyen yo rive nan yon limit youn sou 2 moun grangou, se kounya grangou ap ogmante pri plis nan peyi a. Nou gen bezwen yon aksyon an ijans san nou pa bezwen nou reyaji nan yon gran echèl kòm chwa», selon deklarasyon Jean-Martin Bauer, direktè Pwogram Alimantè Mondyal (PAM) nan peyi Dayiti.
Alòske vyolans lan pa sispann pwovoke yon enflasyon k ap galope epi lakoz move rekòlt yo. Kidonk, Ayiti twouve l nan pi move moman ensekirite alimantè li pa janm fè fas jounen jodi a.
Nan dènyè atak ak vyolans gwoup gang ak zam y ap pèsiste, menm plonje Ayiti nan yon kriz ensekirite difisil kote kout bal pa sispann tire nan kapital Pòtoprens lan, puiske gwoup gang yo kontwole yon pati nan vil la.
Pandanstan, gen plis pase 330000 moun te deja deplase nan kapital la depi nan kòmansman lane 2024 la, akoz y ap fè fas avèk vyolans yo, pou kounya moun yo vrèman gen difikilte pou yo manje.
Plis moun ap pèdi travay yo epi viktim apati salè yo, puiske 2/3 nan fanmi yo atravè peyi a nan moman an nan kokennchenn vyolans nan mwa mas tandiske ensekirite a gentan fè pri gaz la ogmante ak pwodui Alimantè yo. Ant Dawout 2023 ak fevriye 2024 la, pri pwodui Alimantè yo ogmante ak 22% , alòske pri yo pa debòde pou yon milyon Ayisyen ki vrèman nan sitiyasyon desespere epi gen difikilte pou fè fas avèk sa yo tankou achte kredi, vann bèt, pou fè dèt, pou achte semans epi lòt byen pou yo sèvi.
Toujou selon rapò sa a, 4.97 milyon ap fè fas avèk yon kriz ensekirite alimantè ki pi grav (Faz 3+ IPC), kidonk 1.64 milyon moun ap konfwonte nivo ijan (Faz 4+ IPC). Pami zòn sa yo ki grav avèk sa, se zòn lavale Latibonit kote gwoup gang ak zam okipe espas agrikilti a epi vòlè rekòlt yo. Anplis, toujou gen plizyè lòt depatman nan lwès la, nan zòn riral yo, Grandans ak Sid epi divès katye pòv nan kapital la, sitou kwadèboukè ak Site Solèy epi lòt zòn ki touprè li yo k ap konnen yon grangou katastwofik (Faz 5+ IPC).
Boutofen, divès operasyon alimantè Pwogram Alimantè Mondyal ap pousib an Ayiti, vyolans ak latwoublay gwoup gang ak zam yo anpeche yo fè livrezon manje ak èd imanitè nan peyi a.
Atik sa se pwopriyete prive ©️ Gwoup Medya MAGHAITI 2024
