Direksyon Òganizasyon Sèvis Sante (DOSS) fè konnen nan dat ki te lendi 6 me 2024 la, gen pou piti 34 enstitisyon sanitè nan depatman Lwès la ki fèmen pòt yo akoz sitiyasyon ensekirite nan peyi a, selon sa a le Nouvelliste rapòte.
Nan edisyon espesyal ki gen nimewo 38 volim 3 nan revi medikal «Info Gazette médicale» gen yon latriye seri atik ki konsakre ak koze enpak ensekirite a sou enstitisyon sante yo nan peyi a an jeneral, espesyalman nan depatman Lwès la. Plizyè nan atik yo se direktè enstitisyon sante yo, pwofesyonèl sante epi etidyan nan medsin ki revele sitiyasyon an pouri depi aprè evenman 29 fevriye 2024 la.
N ap raple DOSS se yon direksyon nòmatif nan Ministè Sante Piblik ak Popilasyon (MSPP) ki gen pou misyon elabore sou sa a k ap pase nan sektè sante a ak tout sa a k ap pase anndan l.
Ant mwa mas ak avril 2024 la, direksyon an anrejistre plizyè ka ki frape sektè sante a, tankou piyaj sistematik epi 2 pòt pi gran Lopital nan peyi a ki fèmen, Lopital Jeneral (HUEH) ak Lopital «Saint François de Sales». Anplis, divès lòt gang ak zam gen kontwòl yo nan zòn Pòtoprens lan, nou ka site sa yo: Lopital Sanatoryòm, Lopital DASH Jude Anne epi Lopital Bernard Mevs.
Selon direktris DOSS la, Dr Yvrose, nan sektè a gen 31 enstitisyon sante piblik ak prive ki fèmen pòt yo pou koze dechoukay ak dife yo mete ladan yo. Lòt 3 yo fèmen akoz sitiyasyon iregilye yo ap fè fas nan peyi a.
N ap raple Komite Entènasyonal Kwa Wouj (CIRH), nan dat 29 avril ki sot pase la, fè konnen gen anpil Lopital k ap fonksyone nan zòn ki difisil. Sitiyasyon sa a lakoz anpil pèsonèl sante ap travay sou presyon mete sou sa a, mank medikaman, pwoblèm kabiran ak dlo y ap fè fas. Pou li, tout sa yo fèt akoz gwo difikilte pou yo travèse ak yo sou wout yo.
Atik sa se pwopriyete prive © Gwoup Medya MAGHAITI 2024
