Lapolis enfòme nan yon nòt ki pibliye jodi lendi 19 septanm lan, yo arete 25 jèn fanm ak jèn gason yo sispèk ki ta patisipe nan dechoukay nan manifestasyon ki fèt semèn pase a nan vil Senmak ki twouvel nan depatman Latibonit.
Pou kounya, 25 endividi ki jwenn arestasyon yo nan piye biwo leta ak biznis prive yo, twouve yo nan gadavi komisarya Senmak pou reponn kesyon lajistis.
Daprè lapolis, Mathias Jean David kise komisè prensipal ki responsab Jiridiksyon Senmak la fè konnen nan yon bilan, gen yon moun ki mouri, yon polisye blese ak plizyè malfra sòti blese.
Poutan, nan yon konferans pou laprès ki te fèt ayè dimanch 28 septanm lan, Komisè polis prensipal jiridiksyon an, Jean David Mathias fè konnen nan dechoukay ki te fèt vandredi pase a, lapolis rekipere 6 fizi 12, 4 katouch 12 ki pou DGI ak APN. Yo rekipere 4 frijidè, 1 fou, yon machin pou lave rad, 6 pano solèy, plizyè milye plak imatrikilasyon ak kat idantifikasyon nasyonal.
“Gen 9 moun ki blese, pami yo 2 kite blese Montrouis kote ki gen gwoup ki gen zam ki tap piye plaj yo. Gen 3 ki vitim sou pon Ledan, e gen 2 ki viktim andan vil la, e 3 polisye ki blese k ap pran swen, nou entèpele 23 moun ki nan gadavi, gen 23 gason ak 3 fi” Deklarasyon Komisè prensipal Senmak la.
© Tous droits réservés – Groupe Média MAGHAITI 2022
Discussion about this post