20 eta repibliken ki te pote plent pou nouvo pwogram liberasyon kondisyonèl gouvènman Biden lan, mande pou tribinal Tekzas la kanpe pwogram lan san pèdi tan. Eta sa yo toujou kenbe menm agiman yo, pou di inisyativ sa ilegal, selon Fox News.
Aprè 20 eta repibliken sa yo te fin atake pwogram imanitè administrasyon Biden lan nan mwa pase a, fwa sa yo mande tribinal k ap jere dosye a pou bloke pwogram lan prese prese, alòske jounal Ameriken an soulinye se ap yon pwosesis ki ap pran tan si tout fwa jij yo ta deside kanpe pwogram lan vre.
Nan nouvo dokiman sa yo voye bay tribinal Tekzas la, yo fè konnen prezidan Biden ak tout akolit li yo vyole limit kongrè Ameriken an enpoze yo, avèk pwogram sa yo mete sou pye a, se pou sa menm yo mande pou li sispann.
«Prezidan ak tout rès moun ki bò kote l yo la pou yo asire yo lwa yo byen respekte, men olye yo fè sa yo pito ap vyole menm lwa sa yo.» se sa yo ekri pandan yo kontinye pou di pwogram lan ilegal tout jan, lè yo konsidere Lwa ki vyole ak mete sou li responsab ameriken yo ki pa te menm pran tan pou konnen epi egzaminen kisa popilasyon an te panse sou sa.
Malgre tout plent ki deja depoze kont gouvènman Biden lan pou pwogram sila, sekretè sekirite enteryè a, Alejandro Mayorkas te defann inisyativ la aprè l t al vizite kominote ayisyen an ak kiben yo, kote l te pwofite kesyone entansyon 20 eta sa yo ki konn ap plenyen pou jwenn yon solisyon ak migrasyon ilegal Etazini.
Atik sa se pwopriyete prive ©️ Gwoup Medya MAGHAITI 2023
Discussion about this post