Yon sèjan nan Fòs Lame Dayiti (FAD’H) mouri ayè madi 5 mas 2024 la, aprè li te resevwa yon grenn bal pèdi nan anviwon 2è nan aprèmidi. pandan li t Li rive viktim se pandan l t ap regle aktivite li anndan Gran Katye Jeneral (GQG), selon yon nòt Wo eta Majò a sòti.
Sèjan Fourrier Joseph Oril, ki te anndan Inite sekirite anndan Grand Katye Jeneral (GQG) al mouri lopital Pluri-Medic, aprè l te finn pran yon bal nan tèt. Pou kounya, yo poko ka rive idantifye ki moun oubyen ki gwoup endividi ki ta ba li bal sila.
“Lè nou konnen gwoup gang 5 Segond, ki tabli kò l nan Vilaj Dedye, gwoup gang krache dife k ap opere nan Bèlè epi gwoup gang Gran Ravin, se ta yo menm ki kreye panik ak mal avèk sikilasyon nan zòn channmas la», pou fè konnen wo eta majò a.
Pou fini, n ap raple se pa premye fwa moun pran bal mawon nan anviwon channmas la puiske ansyen etidyan Lekòl Nòmal Siperyè (ENS) Tchadensky Jean Baptiste, te resevwa li menm tou yon bal pèdi kèk mèt palè Nasyonal, kote li ta pral mouri lopital Medsin San Fwontyè nan Taba. Kidonk, fenomèn bal pèdi a vrèman kouran nan peyi a, sitou parapò avèk afwontman Lapolis avèk divès gwoup gang nan zòn Metwopolitèn nan.
Atik sa se pwopriyete prive ©️ Gwoup Medya MAGHAITI 2024
