Yon avyon militè Kanada fè viwonn syèl Ayiti nan lide pou pote kole avèk Lapolis

Yon avyon ki pote non « Royal Canadien Air Force/ (CP-140 Auroa) » ap fè viwonn peyi a jounen samdi 4 fevriye 2023, nan lide pou kontwole espas anlè a pou li pote kole avèk enstitisyon Lapolis la, selon anbasadè Kanada an Ayiti Sébastien Carrière.

Selon anbasadè Kanada a :« Avyon militè k ap sikile anlè a, li la nan objektif pou l fè katografi espas kote gang y ap feraye yo epi pote yon kout men avèk Lapolis.»

Siveyans sa se yon lòt etap ak repons Kanada vle pote avèk kriz Ayisyen an, ki chita sou kat pilye : Sanksyon, Èd imanitè, Asistans sekirite epi dyalòg ansanm.

« Pou sekirite operasyon ak manm yo ARC-RCAF ki deplwaye yo, nou p ap fè okenn kòmantè sou misyon sa, ki fèt nan kolaborasyon avèk Akò gouvènman Ayisyen », toujou selon Sébastien Carrière.

Avyon CP-140 Auroa, se yon avyon patwouy ak long distans, ki gen yon otonomi epi yon vòl enpresyonan, ki kapab penmèt yon siveyans trè efikas.

N ap raple peyi Kanada gen plizyè blennde li poko livre avèk peyi Dayiti, malgre dividal sanksyon li pran kont ansyen ak otorite an fonksyon epi aktè ekonomik nan peyi Dayiti.

Atik sa se pwopriyete prive ©️ Gwoup Medya MAGHAITI 2023

Comments

commentaires