Nan yon operasyon ajan Inite Tanporè Kont Gang(UTAG) tanmen ayè dimanch 29 oktòb 2023 a, yo rive touye nan echanj kout bal prezime chèf gang Ti Izo nan zòn Lyankou. Daprè plizyè medya lokal, Ti Izo se ta chèf gang Mowo, e li te menm nan baz gwoup gang Gran grif la tou.
Selon enfòmasyon yo, chèf gang sila ki t ap opere nan Lyankou jwenn lanmò li ayè dimanch la, gras ak entèvansyon lapolis nan tèt kole ak gwoup rezistans “Chandelle“. Poutan, kèk tan avan operasyon lapolis la, fas ak rimè ki te fè kwè yon chèf gang parèy li te touye l prezime bandi a tout moun konnen sou non Ti Izo nan Latibonit te fè yon videyo kote l te demanti enfòmasyon an.
Pou Abitan nan Latibonit yo se ta yon bon nouvèl pou yo paske selon yo menm defen an te yon moun ki te enplike nan fè kadejak sou fanm kou gason, nan fè kidnapin, epi vòlè machandiz ti machann yo sou wout Lyankou a.
Atik sa se pwopriyete prive ©️ Gwoup Medya MAGHAITI 2023
