Jounen jodi madi 4 oktòb 2022 a, Tèminal Vare Ak sant Estokaj WINECO mande nan yon twit, yon koulwa imanitè an Ijans pou yo bay gaz sitou ak lopital yo, sant kap trete dlo epi Telekominikasyon yo.
Nan menm nòt sa, yo pwofite pou mande pou tout sitwayen Ayisyen yo aksepte epi respekte koulwa Imanitè sila.
Nan kòmansman mwa oktòb la, Tèminal Vare te anonse yo te genyen 4 983 426 galon Diesel, 816 galon Kerozèn ak 5 162 346 galon Gazolin.
Pandanstan, gen anpil barikad avèk yon gwo twou ki anpeche kamyon yo distribye gaz la nan lòt zonn yo. Daprè plizyè enfòmasyon, gaz sa yo paka rive distribye akoz bandi G9 yo kontwole komin Site solèy, kote Tèminal Vare twouve li a.
Pou kounya plizyè enstitisyon kou lopital Senlik, Sen Damyen, Bernard Mevs menase pou yo redui sèvis yo osnon y ap menm rive fèmen pòt yo akoz ratman gaz la .
Atik sa se pwopriyete prive ©️ Gwoup Medya MAGHAITI 2022
Discussion about this post