Grenadye yo bat seleksyon Montsera sou yon eskò (4-0) nan samdi 25 mas 2023 a, sa ki penmèt li okipe premye plas nan Gwoup B. Ayiti ap batay pou l monte nan Lig A pou sezon 2023-2024 epi jwenn kalifikasyon dirèk pou l al jwe «Gold Cup» la.
Ayiti make 4 gòl li yo nan dezyèm mitan, gras avèk Duckens Nazon (1-0, 49′), double Frantzdy Pierrot (2-0, 60′), twazyèm gòl la ki ta pral make gras Derrick Etienne (3-0″70) epi katriyèm nan gras ak Mondy Prunier 4-0, 84′).
Viktwa seleksyon Nasyonal Ayisyen an ba li yon bèl avans nan Lig B a, kote li pral gen pou jwe pwochen match li fas avèk Bèmid nan dat 28 mas k ap vini an nan peyi Repiblik Dominiken, presizeman nan vil Panamericano de San Cristobal.
Ayiti gen 13 pwen nan Gwoup B, nenpòt defèt ekip Ayiti a p ap anpeche li toujou gade premye plas la, paske ekip ki vin dèyè li an gen 9 pwen. Ekip Jean Jacques Pierre a ap fè yon bon chimen pou l wè si li ka jwenn yon biyè kalifikasyon «Gòl Cup» pou 3èm fwa afile.
Atik sa se pwopriyete prive ©️ Gwoup Medya MAGHAITI 2023
