Rodolphe Jaar, youn nan prezime konplis nan asasina Jovenel Moise di li pa koupab

Rodolphe Jaar youn (1) nan moun ki nan men lajistis Ameriken nan dosye asasina ansyen Prezidan Ayisyen Jovenel Moise ki te fèt 7 jiyè 2021 an, li deside plede jodi mèkredi 2022, li pa koupab devan yon tribinal federal “Miami”.

Rodolphe Jaar te jwenn arestasyon li nan peyi Repiblik Dominiken epi transfere Etazini. Koz, li te akize kòm youn nan moun ki t ap monte konplo pou te rive touye ansyen prezidan peyi an. Lajistis ameriken fè konnen nonm biznisman lan te pèmèt moun yo jwenn materyèl pou konplo sila.

Jaar ki gen sèlman 49 lane riske pase tout rès vi li nan prizon si tout fwa lajistis ameriken ta twouve li koupab apati sa yo akize li yo. Selon Jounal VOA fè konnen.

Sèlman kèlke tan avan komemorasyon zak asasinay ansyen prezidan ayisyen an, jij ameriken an Chris M. McAliley te aksepte tande pledwari Jaar ak avoka li,
Jijman sa ki pa te dire anpil tan jodi mèkredi an. Avoka li an Frank Schwartz, li te mande pou kliyan li an gen yon pwosè epi mande tou pou lajistis ameriken prezante tout prèv li genyen kont misye nan kad zak sa.

N ap raple Jaar se youn nan twa(3) prensipal akize ki anba men lajistis Ameriken. Anplis, n ap raple se li menm ki te dakò pou yo te transfere li “Miami” nan mwa janvye ki sot pase an pou vin reponn kesyon lajistis nan koze sa.

Atik sa se pwopriyete prive ©️ Gwoup Medya MAGHAITI 2022

Comments

commentaires