Nèg ak zam touye jodi vandredi 12 avril 2024 la, polisye Fritz Pierre Chenet nan zòn bò lopital Bernard Mevs. Selon Sendika Nasyonal lapolis la (SYNAPOHA) ajan 28èm pwomosyon an t ap sòti nan Vilaj Solidarite lè endividi ak zam yo ansasinen l.
Daprè sa a SYNAPOHA a fè konnen sou kont X li (Twitter), ajan an t ap travay nan komisarya Ayewopò a, sepandan aprèmidi a menm li pèdi lavi l anba bal bandi ki te atake l.
Polisye Chenet se 14èm polisye ki tonbe akòz zak banditis nan peyi a. Sa a ki ogmante chif sa a Rezo Nasyonal k ap Defann Dwa Moun yo (RNDDH) te bay pou 3 premye mwa nan ane a nan rapò yo te sòti mèkredi 10 avril ki sot pase a.
Atik sa se pwopriyete prive ©️ Gwoup Medya MAGHAITI 2024
