Omwen 4 moun mouri anba bal endividi ak zam nan lokalite Malik

Jounen jodi vandredi 17 mas 2023 a, plizyè endividi ak zam anvayi moun nan lokalite Malik, komin Petyonvil. Genyen omwen 4 moun ki mouri ak anviwon 10 machin ak biznis yo mete dife pandan pasaj yo selon sa plizyè medya lokal fè konnen.

Popilasyon nan lokalite Malik pa sispann kriye sekou anba kout bal asasen nan komin Petyonvil, kote Nèg ak zam anvayi yo pandan mitan jounen an.

Gen enfòmasyon ki ta fè konnen se ta gwoup gang k ap opere nan «Kraze Baryè» ki ta komèt zak sa yo, aprè yo te fin vide bal sou moun epi boule plizyè machin sou wout yo. Prezime asasen sa yo ale san bri ak san kont.

N ap raple Premye minis Ariel Henry, nan kad yon diskou li te fè pandan vizit li nan espas Fòs lame Dayiti (FAD’H) a te di «jodi a nou bezwen tout fòs sekirite nou yo. Nou bezwen detèminasyon ki te abite lame endigèn nan. Nou bezwen konjonksyon tout enègi : enèji Lapolis ak tout inite spesyalize li yo, enèji Lame, ak kolaborasyon yon pèp ayisyen ini, pou nou mete fen ak zak kriminèl k ap fèt sou popilasyon an.
Abraham di sètase !
Fòk bagay sa a fini !»

Atik sa se pwopriyete prive ©️ Gwoup Medya MAGHAITI 2023

Comments

commentaires