Jounen jedi 12 janvye 2023 a, FIFA mete deyò lis jwè ki ka pran distenksyon twofe FIFA the Best la. Kidonk, FIFA mete lis nan plizyè kategori ki ka genyen tit bon pèfòmans pou sezon pase a. Estrikti sa pral gen pou l òganize tradisyonèl gala nan lide pou l rekonpanse divès pèsonalite nan jwèt la nan dat 27 Fevriye 2023 a.
Anplis, seremoni FIFA the Best la ap fèt nan dènyè bout mwa fevriye a, nou pral gen chans konnen moun kiseleksyone nan chak pòs jwèt foutbòl la, presizeman pou meyè jwè ki gen ladan l: Messi, Mbappé, Neymar, Bellingham, De Brune, Benzema, Lewandowski, Mané, Hakimi, Vinicius, Salah, Modric, Julian Alvarez epi Haaland.
Sou lòtbò a FIFA nomine 5 grenn gadyen sèlman : Alisson Becker (Brezilyen), Ederson (Brezilyen), Thibault Courtois (Bèj), Emiliano Martinez (Ajanten) epi Bounou (Kwowat). Pou antrenè yo, se 5 moun FIFA mete nan lis la, tankou sila sa yo : Carlo Ancelotti, Pep Guardiola, Walid Regragui, Lionel Scaloni epi Didier Deschamps.
N ap raple pou edisyon ki sot pase a, se jwè Polonè ki te pran tit meyè jwè FIFA the Best la, se Thomas Tuchel ki te pran tit meyè antrenè a epi Édouard Mendy te pran pri meyè pi bon gadyen an.
Atik sa se pwopriyete prive ©️ Gwoup Medya MAGHAITI 2023
