Blas Nunez-Neto ki se asistan sekretè deta adjwenn enterimè pou politik fwontalye ak imigrasyon nan depatman Sekirite Enteryè peyi Etazini, fè konnen ayè lendi 31 janvye 2023 a, moun ki benefisye pwogram imanitè Biden lan pa dwe kite Etazini ak Viza sa a.
Nan pwogram Humanitarian Parole gouvènman prezidan Biden mete sou pye a genyen anpil moun ki gentan ap antre Etazini. Moun sa yo soti nan peyi Kiba, Nikaragwa, Venezuela ak Ayiti. Selon Blas Nunez-Neto: « Yon benefisyè Kiben, Ayisyen, Nikaragweyen epi Venezuelien ki vwayaje ale nan peyi Etazini nan kad pwogram imanitè a ki tounen nan peyi li anvan 2 lane a p ap kapab retounen Etazini ankò avèk menm viza sa a.»
Pwogram Humanitarian Parole la se yon desizyon gouvènman Joe Biden lan pran pou li pote sipò ak sila ki nan bezwen yo atravè 4 peyi sa yo nou sot site a. Li ofri yo yon viza si yo reponn avèk egzijans imigrasyon fè yo. Lè sa y ap penmèt yo antre legal ak yon pèmi travay pandan 2 lane nan peyi Etazini.
N ap raple pwogram imanitè sa a ki te lanse nan mwa oktòb 2022 a, bay posibilite avèk 30000 migran ki soti Kiba, Nikaragwa, Venezuela epi Ayiti. Moun sa yo dwe ranpli yon seri kondisyon pou yo elijib avèk pwogram sa, tankou : yo dwe genyen yon moun ki reponn l ap siyen pou li kòm esponsò epi l ap ka sipòte li pandan tan sa, anplis fòk li gen yon paspò ayisyen.
Atik sa se pwopriyete prive ©️ Gwoup Medya MAGHAITI 2023
Discussion about this post