Ministè Jistis ak Sekirite Piblik anonse li pral louvri yon ankèt sou divès aksyon komisè gouvènman Muscadin ap fè, kote li ta remete an kesyon vyolasyon dwa ak libète sitwayon yo nan komin Miragwann (Nip), nan dat 19 jen 2022.
Pandanstan, komisè Muscadin te di ak klè li menm sou radyo : ” Depatman Nip lan dwe tounen yon simetyè pou bandi yo”.
Kidonk, se sa ki lakoz plizyè prezime bandi gentan mouri deja.
Ministè Jistis ak Sekirite Piblik (MJSP) deside fouye kò li nan koze sa nan lide pou l evite demen pi grav pase sa.
Nan yon piblikasyon Ministè Jistis ak Sekirite Piblik (MJSP) fè sou paj “Twitter” :
” MJSP pote anpil atansyon ak kèk fè ak evenman ki menase lapè, sekirite piblik epi prejidis ak dwa epi libète plizyè sitwayen nan Miragwann, patikilyèman depatman Nip. Kote nou deside fòme yon komisyon espesyal pou jere koze sa”.
Anplis, Ministè Jistis ak Sekirite Piblik kontinye pou l ajoute sou dosye sa :
” Nou deja rete chita ap tann rapò sikonstans komisyon an sou dosye sa jis pou n ka fè tout suivi ki nesesè yo”.
Poutan, atravè plizyè entèvansyon nan medya Komisè Jean Ernest Muscadin, kenbe pozisyon sou zak l ap komèt yo epi li rete kwè demach sa ka retabli lapè nan peyi a, sitou nan depatman Nip la.
Malgre nan dat 10 jen 2022, chèf gang Vilaj Dedye (Izo) te kenbe 2 bis ki ta pral Miragwann kòm repons ak lanmò “Zo pwason”, yon prezime ak swadizan bwa dwat li.
Atik sa se pwopriyete prive ©️ Gwoup Medya MAGHAITI 2022
World
Discussion about this post