Mèri Okap di li pare pou kanaval 2023 a

Nan yon kominike ki soti ayè vandredi 3 fevriye a, Komisyon minisipal nan vil Okap fè konnen kanaval la ap òganize nan site Kristofyèn nan soti 17 pou rive 19 fevriye 2023.

“Ann Ede Okap kenbe Ayiti Vivan”, se sou tèm sa Komisyon Minisipal vil Okap fè konnen Kanaval la ap òganize ane sa, aprè yo te finn chita pale sou dosye sa.
“Aprè anpil rankont ant aktè epi operatè kiltirèl, Komisyon Minisipal la chwazi Marc Donald Bazile pou kowòdone aktivite yo“, se sa nou li nan kominike a.

Nan menm kominike sa genyen yon reprezantan Mèri Okap, yon reprezantan Ministè Kilti ak Kominikasyon, yon reprezantan ministè Touris, youn pou laprès epi 2 lòt pou sosyete sivil la nan vil Okap. “Komite Minisipal la òganize kanaval la yon fason pou nou ka toujou genyen tradisyon viv ansanm nan ak lapè nan vil Okap”, selon komite a.

Aprè piblikasyon nòt sa, anpil patikilye te reyaji sou rezo sosyo yo pou fè konnen, yon kanaval t ap fè plis sans nan vil Okap paske kapital peyi a ki se Pòtoprens pa gen ase sekirite pou yon evènman konsa.

Atik sa se pwopriyete prive ©️ Gwoup Medya MAGHAITI 2023

Comments

commentaires