Nan dat mèkredi 8 jen 2022, Luz Kurta Cassandra François minis touris ak Le Van Dai direktè jeneral konpayi telefonn “Natcom” te siyen yon pwotokòl dakò pou li mete kanpe yon zouti k ap penmèt yon bon jan kanpay ak sansibilizasyon epi chanje pèsepsyon sou touris Ayisyen an atravè plizyè videyo ak tematik pwomosyonèl ki pral gen pou trete koze patrimwann materyèl ak imateryèl isit.
Anplis, objektif jeneral se anrejistre plizyè imaj sou peyi a epi montre lòt bon imaj sou peyi a atravè monn lan, sitou vil yo, montre potantyèl fò touristik ak kilti nou genyen. Paske, monn lan dwe konnen ak dekouvri ankò plis sou Ayiti.
Pou Minis Cassandra François ki te deklare : ” Pwojè sa pral gen pou li mete kòm zèv, reyalize epi pibliye atravè de (2) enstitisyon yo, ki se ranplase move imaj k ap tounen sou entènèt la, men k ap gen pou l ranplase ak bon imaj pwòp ak reprezantativ nou genyen kòm valè antanke pèp, anplis sa ki pral fè yo dekouvri yon lòt fasèt sou kilti nou”.
Diplis, pwotokòl sa te siyen ofisyèlman ak “Natcom” nan lide pou li ofri yon don 96 moulen kann ak sik, ki pral gen pou distribye ak plizyè moun k ap evolye nan restoran, antreprenè fanm epi plantè nan kann ak sik. Puiske, fè kann se yon byen fè ak miltip pouvwa ki ka kreye fasilman ji pou gran piblik la konsome.
Se yon mannyè anplis pou n sipòte agrikilti nasyonal la, men tou pou n fè pwomosyon pou patrimwann imateryèl sa.
© Tous droits réservés – Groupe Média MAGHAITI 2022
