Elie Floridin se non yon pastè k ap dirije legliz “New Béthel” nan Miami kote Leta ameriken kondane li pou 2 an prizon jounen mèkredi 24 me 2023 a, parapò avèk yon zak vòl 1 milyon dola ameriken li te komèt nan kad Pwogram Pwoteksyon Chèk Pèy (PPP) nan lwa CARES.
Pastè Elie Floridin te depoze yon demann yon Èd Federal ak tit PPP pou plizyè antrepriz ki pa egziste, presizeman yon fo ajans travay. Aprè li te fin jwenn premye prè PPP, li t ap eseye jwenn yon lòt lajan anplis pou 3 lòt antrepriz ki pa egziste.
Nan moman kondanasyon pastè Elie Floradin te pral rekonèt li te vòlè yon milyon dola ameriken pou Fon asistans Kovid-19, li pral gen pou remèt 535996 dola ameriken kòm tit dedomajman.
Aprè ankèt, Divizyon Trezò Ameriken pou administrasyon ak kolaborasyon «Office Of Financial Regulation de Floride», li te pral anonse epi pwononse li sou sanksyon jij José E. Martinez te bay avèk koupab la ki se 2 an prizon. Pwogram PPP mete anplas nan kad lwa CARES ki gen pou objektif ede antrepriz ak òganizasyon yo pou konbat Kovid-19 la. Prè PPP dwe la pou li kouvri depans salè yo, entèrese sou prè ipotekè, mwayen epi sèvis piblik yo.
Credit Photo: Rezo Nòdwès
Atik sa se pwopriyete prive ©️ Gwoup Medya MAGHAITI 2023
