Lapolis Nasyonal d Ayiti pibliye, jounen jodi 12 me 2024 la, li pran kontwòl komisarya Gresye a aprè atak bandi ak zam te fin fè sou popilasyon an ak lòt enfrastrikti yo, selon enfòmasyon lapolis rapòte sou paj li.
Biwo Kominikasyon PNH la fè konnen gentan gen anpil nan inite nan lapolis la ki okipe espas komisarya a tankou Inite depatmantal k ap mete lòd nan Sidès (UDMO-Sud-Est), ajan SWATT yo epi lòt inite espesyalize ankò. Lapolis sètifye inite sa yo gentan pran kontwòl sitiyasyon an epi ap veye malfra sa yo.
«Lapolis ap lanse plizyè operasyon pou ka trake nèg ak zam yo. Gen travay reparasyon ki ta dwe fèt nan komisarya Gresye a.», selon deklarasyon kowòdonatè, Lionel Lazarre.
Eta majò Lapolis la di li p ap bese bra li, l ap kontinye trake ak repouse bandi ak zam k ap kraze espas polisye yo nan tout rakwen nan peyi a.
Pou fini, n ap raple Leslie Voltaire ki se yon manm nan Konsèy Prezidansyèl Tranzisyon an te mennen yon vizit nan ayewopò entènasyonal Tousen Louvèti, yè samdi 11 me 2024 la, nan lide pou evalye materyèl k ap antre pou misyon miltinasyonal la.
Atik sa se pwopriyete prive ©️ Gwoup Medya MAGHAITI 2024
