Peyi Repiblik Dominiken arete 3 ansyen minis ki te sou prezidan Danilo Medina pou zak koripsyon jounen jodi dimanch 19 mas 2023 a. Non minis yo se : Gonzalo Castillo, Donald Guerrero epi José Ramón Peralta.
Lapolis nan Inite Biwo Pwokirè espesyalize te pwosede arestasyon sa nan dimanch maten byen bonè kote li rive arete 3 ansyen minis ki te sou ansyen rejim Danilo Medina.
Inite Biwo Pwokirè espesyalize pèsekisyon koripsyon administratif (Pepca) te rive arete 3 ansyen minis ki te minis travay piblik la Gonzalo Castillo, minis finans Donald Guerrero epi minis laprezidans José Ramón Peralta.
«Twa ansyen fonksyonè sou ansyen administrasyon Danilo Medina te rive mennen nan palè jistis Ciudad Nueva», selon Jounal Listin Diaro.
Alòske Gonzalo Castillo te patisipe nan dènyè eleksyon an 2020 pou prezidan, sou banyè Repiblik Pati Liberasyon Dominiken (PLD).
Sou lòtbò, Donald Guerrero te gentan youn nan ansyen chèf Pepca t ap mennen ankèt sou li depi plizyè mwa konsa akoz li te mal jere yon koze dèt kay pandan manda li an.
Atik sa se pwopriyete prive ©️ Gwoup Medya MAGHAITI 2023
