Nan yon kominike Lapolis Nasyonal d Ayiti mete deyò, vandredi 24 me 2024 la, li anonse l arete 2 ansyen polisye, nan ri Lamontay, ki ta fè pati gang 5 segond ak Bèlè.
Lapolis mete anba kòd 2 ansyen polisye sa yo ki se Bon Fritz Jean Eliphète ak Lemy Railey Toussaint alyas “Pa vin Tchip” kòm prezime gang k ap opere nan Vilaj Dedye ak Bèlè.
N ap fè konnen, ansyen polisye Lemy Railey Toussaint alyas “Pa vin Tchip” jwenn akizasyon l kòm moun ki ta retire lavi yon lòt touprè komisarya Mache Salomon ki chita kò li nan zòn Kafoufèy.
Kanta pou Bon Fritz Jean Eliphète, selon enfòmasyon ki nan kominike Lapolis lai te enplike nan zak kidnapin yon biznisman, anplis li vòlè yon machin nan dat 10 desanm 2022, nan zòn ri kapwa».
N ap raple, prezime koupab Bon Fritz Jean Eliphète te mete yon bis nan ri Maglwa Anbwaz nan mitan lari a pou anpeche yon blennde Lapolis kontinye yon operasyon kont gang ak zam yo.
Pou fini, n ap soulinye Lapolis voye senpati l bay fanmi viktim 2 misyonè Ameriken ak yon Ayisyen ki te mouri asasinen nan zak gang ak zam nan zòn Lizon jedi 23 me 2024 ki sot pase a.
Atik sa se pwopriyete prive ©️ Gwoup Medya MAGHAITI 2024
