Jounen jodi vandredi 17 mas 2023 a, Lakou Penal Entènasyonal (CPI) mete yon manda pou arete prezidan Vladimir Poutine ak Maria Aleseyevna Lvova- Belova, komisè prezidansyèl dwa timoun nan peyi Larisi, akoz yo tou 2 ta responsab lagè ant Ikrenn ak Larisi an, Selon RFI.
«Jodi 17 mas 2023, chanm preliminè Lakou Penal Entènasyonal mete Yon manda kont 2 moun sa yo nan kad sitiyasyon Ikrenn lan.»
Lakou Penal Entènasyonal te kontinye pou li ajoute «Vladimir Poutine se prezime responsab krim gè ak depòtasyon ilegal timoun ak granmoun epi transfè ilegal timoun ak granmoun k ap fèt nan zòn ki okipe Ikrèn pou ale larisi.»
Anplis, krim sa yo te komèt nan teritwa Ikrèn nan dat 24 fevriye 2022, kòmkwa prezidan Vladimir Poutine ta veritab responsab krim sila yo.
N ap raple Lakou Penal Entènasyonal kreye an 2022, pou jije pi gwo krim k ap komèt nan mond lan, ki la pou mennen ankèt sou krim ak gè k ap pase nan limanite. Ofinal, li chwazi mete manda dèyè 2 pèsonaj piblik nan Larisi kòm veritab moun k ap komèt krim nan limanite.
Atik sa se pwopriyete prive ©️ Gwoup Medya MAGHAITI 2023
Discussion about this post