Aprè zak kadejak ki te fè kwè gen yon ajan direksyon Jeneral Migrasyon ki te vyole yon ti fi 14 an jou ki te vandredi 5 avril ki sot pase a nan Repiblik Dominikèn, lajistis nan peyi sa a revele jounen jodi vandredi 19 avril la idantite moun yo jwenn ki fè kadejak la, non l se Paulino de la Cruz, selon yon medya lokal “le placentin“.
Idantite akize zak sa a te parèt nan yon kominike laprès nan peyi Repiblik Dominikèn gras ak biwo pwokirè jeneral peyi sa a.
Pakè Higüey» fè konnen Paulino de la Cruz se yon militè nan lame ki pa fè pati ajan direksyon Jeneral Migrasyon ki te vyole ti fi 14 an sa a nan zòn Punta cana.
Pandan tan sa a, Ministè piblik te gentan mande pou yo pran yon sanksyon kont militè sa a devan Biwo jidisyè an atansyon pèmanan selon atik 330-331 kòd penal dominiken an ki kondane tout zak vyolans seksyèl sou moun.
N ap raple n, Venancio Alcántara ki se direktè jeneral migrasyon fè konnen li respekte dwa moun ak move tretman kont tout moun ki vilnerab nan peyi a.
Atik sa se pwopriyete prive ©️ Gwoup Medya MAGHAITI 2024
