Lafrans fè konnen jounen jodi dimanch 24 mas 2023 la, li pral òganize plizyè vòl espesyalize pou penmèt fransè ki pi vilnerab yo kite Ayiti, alòske vòl aryeryen yo entèdi nan Pòtoprens, selon sa a France 24 rapòte.
«Anbasad pou Lafrans nan vil Pòtoprens rete louvri epi ap kontinye pouswiv aktivite li yo malgre kondisyon difisil yo», selon ministè afè etranjè a.
Anplis li ajoute pou li di l rete mobilize ak tout li menm pou li pote soutyen bay kominote Fransè ki an Ayiti a.
«Vòl sa yo pral rive fèt sou lòd ministè k responsab lame a ansanm ak ministè afè etranjè peyi a», se sa a l soulinye nan kominike a. Li enpòtan pou n konnen li pa bay okenn detay sou ki kritè vinerabilite yo pral bay priyorite.
Boutofen, Ayiti pa sispann konnen moman difisil nan dènyè tan sa yo, sitou atak plizyè komisarya tankou Mache Salomon, sou komisarya Bon Repo epi baz Inite Depatmantal Mobilize (UDMO) ak Brigad Operasyon Entèvansyon Depatmantal (BOID) nan jou ki sot pase yo.
© Tous droits réservés – Groupe Média MAGHAITI 2024
